Министерот за финансии Кирил Миноски денеска рече дека штом министерството ги направи сите потребни проверки, ќе почне и исплатата на субвенциите за земјоделците, пренесува АлсатМ.
Тој рече дека трезорот работи согласно дневната ликвидност и во зависност од тоа ќе се изврши и планирање на средствата, по што треба да почне и исплатата на парите. И директорот на Агенцијата за поттикнување и развој на земјоделството Игор Златков, за агенцијата МИА потврди дека денеска или утре земјоделците треба да ги добијат парите за субвенции.
Прво ќе се исплата парите за 2015 – та година, а потоа етапно, до крај на април, треба да се доисплатат уште 170 милиони денари.
