Денес беше потпишан меморандум за соработка помеѓу студентскиот парламент при Универзитетот за информатички науки и технологии “Св. Апостол Павле” и Националната асоцијација на престижни академски граѓани. Целта на овој меморандум е да се искористи потенцијалот на најуспешните студенти преку низа одржани обуки и натпревари. Дел од нив ќе бидат организирани во странски земји.
Оваа соработка со студентскиот парламент на универзитетот Св. Апостол Павле е само почеток на неколку настани што во блиска иднина ги имаме договорено како и останата настани кои ќе ги одржуваме во иднина за бенефитот на овој универзитет, вели Д-р Виктор Ѓорѓиески, претседател на НАПАГ.
Задоволство од потпишувањето на меморандумот искажа и претседателот на студентскиот парламент при Универзитет за информатички науки и технологии “Св. Апостол Павле”.
Мислам дека неопходно е со развојот и растот на универзитетот, да се зголемуват можностите на надарените студенти, потпишувањето на овој меморандум е убава шанса за нив, рече Харун Бајрам, претседателот на студентскиот парламент при Универзитет за информатички науки и технологии “Св. Апостол Павле”
Националната асоцијација на престижни академски граѓани која е формирана оваа година досега има потпишано меморандуми за соработка со пет универзитети, а денес потпиша со шестиот. Во асоцијацијата може да членуваат сите студенти од прв, втор и трет циклус студии со просек повисок од 8.5 и најмалку комплетирана прва година од додипломските студи.Универзитетот за информатички науки и технологии “Св. Апостол Павле” и Националната асоцијација на престижни академски граѓани потпишаа меморандум за соработка. На овој начин талентираните студенти добиваат дополнителна можност за доедукација.
{loadposition content9}
