Од министерството за здравство информираат дека во среда, 2 декември, кога ќе се спроведува акцијата „Ден на дрвото“, редовно ќе работат сите јавни здравствени установи во државата и ќе се реализираат сите закажани прегледи и интервенции.
– Сите закажани прегледи во специјалистичко-консултативни амбуланти, кабинети за снимања и други дијагностички процедури, како и закажаните хируршки интервенции нема да бидат одложени, и за таа цел на установите им е наложено да ги преземат сите организациски мерки овие прегледи и интервенции да бидат непречено изведени, наведуваат од Министерството за здравство.
