Трудот изработен од скопската фирма „Астрекс“ се стекна со втората награда во вредност од 100.000 денари, додека третонаградено е конкурсното решение на авторот Васко Крстевски. На архитектонскиот Конкурс учествувале седум архитекти и бироа, а жири-комисијата одлучи да не ја додели првата награда, пренесува специјализираниот портал за градежништво Билд.мк.
Додека се работи на подготовка на неопходната документација, македонската влада, во соработка со општина Охрид, треба да се одлучи на која локација ќе ја градат идната марина. Како можно решение се нудат две локации, и тоа првата е постоечкото градско пристаниште во центарот на Охрид, додека втората солуција е Студенчишкото блато, пренесува Build.mk.
Финансиските средства за проектот ќе бидат обезбедени од државниот буџет. Охридските екологисти веќе јавно се спротиставија на изградбата на марина на просторот на Студенчишкото блато, додека од владата на ваквите прозивки одговорија дека со проектот ќе се унапреди охридскиот туризам.
Повикот до професионалната фела за доставување на авторските трудови беше распишан кон крајот на декември 2015 година, се вели во написот на Буилд.мк.
