Утре во Струга ќе се одржи манифестацијата “Ден на водни спортови – Струга 2017″, настан кој е организира по повод денот на македонската независност 8-ми септември.
Учество ќе земат повеќе од 110 натпреварувачи од пет дисциплини и тоа: едрење, СУП, веслање, кајак и кану, а пријавени се учесници од клубови од Струга, Охрид, Велес и Скопје. Целта на „Денот на водни спортови“ е да се анимира јавноста за различните водни спортски дисциплини, натпреварувачки дел за секој спорт оделно, дружење помеѓу спортистите како и разменување искуства и тестирање на различна опрема на која што спортистите ги докажуваат своите способности, информираат организаторите, едриличарскиот клуб „Снегар“ од Струга.
