На ден 17.09.2018 година (понеделник ) со почеток во 11.00 часот, викана шеснаесеттата седница на Советот на општина Охрид.
Седницата ќе се одржи во зградата на Општина Охрид.
На дневниот ред на ова издание на седницата на Советот на општина Охрид, советниците меѓудругото ќе расправаат и за Одлуката за усвојување на планот за поделба на МЈП „Проаква“-Струга со издвојување со основање на нови друштва. На дневниот ред ќе се најде и Одлуката за отпочнување постапка за статусна промена на МЈП „Проаква“-Струга, Р.Е. „Водовод“-Охрид, како и Предлог- одлуката за изменување и дополнување на буџетот на Општина Охрид за 2018 година.
Советниците ќе расправаат и за Годишните извештаи за работата и материјално -финансиското работење на основните и средните училишта во градов, како и за Предлог- одлуките за усвојување на Годишните програми за работа на истите.
