Во Центарот за јавно здравје Охрид од утринава веќе започна вакцинацијата против сезонски грип. Од Центарот за јавно здравје за Охрид информираа дека набавени вкупно 4000 дози вакцини. Објаснуваат дека станува збор за четиривалентна најнова вакцина против грип, од холандско и француско потекло која штити од четири видови инфлуенца и е според препораките на Светската здравствена организација. 
Првиот човек на центарот, Сашо Точков вели дека од оваа година категоријата граѓани кои е постари од 65 години, да имаат пензија пониска од 14.480 денари или воопшто да не примаат пензија, вакцината ќе ја добијат бесплатно. Претходно овие лица ќе мора преку својот матичен лекар и системот „Мој термин“ да закажат термин за имунизација, да добијат упат, па потоа дојдат во центарот и да се вакцинираат.
За сите останати вакцината чини 650 денари. Се работи за четиривалентна најнова вакцина против грип, од холандско и француско потекло која штити од четири видови инфлуенца и е според препораките на Светската здравствена организација, истакна Точков.
Имунизацијата се врши во просториите на Центарот за јавно здравје и во подрачните единици, секој работен ден од 08:00 до 14:00 часот.
