Образовниот центар Atlas world во соработка со игротека Вања ќе приреди куклен театар за најмалите охриѓанчиња. Идеата е на вработените во Центарот за работа со деца на предучилишна возраст Atlas World кои имаат музичко катче и куклен театар како вон наставни активности. Децата од најрана возраст треба да бидат изложени на одбрана квалитетна уметничка музика. Преку игра и музика учиме вештини и кај децата се развива координација на слухот со движењата , свириме на детски музички инструменти, го анализираме она што го слушаме , сето тоа прилагодено на возраста на децата, вели Снежана Караџовска Попова која е музички едукатор во Atlas World.
„Решивме да промовираме во нашиот град куклен театар како нешто ново и интересно и се надевавме дека ќе привлечиме внимание и бевме во право. Почнавме да одржуваме претстави тука во Центарот Atlas World секоја втора сабота во месецот и наидовме на позитивни коментари, задоволни родители, насмеани дечиња, така што сега имаме покана да бидеме гости во игротека Вања. “ – Снежана Караџовска Попова – музички едукатор
Дечињата во центарот покрај музиката и куклениот театар имаат и низа други креативни работилници. Се изучуваат странски јазици , Англиски, Германски, Албански, Турски, се учи и математика и сето тоа прилагодено за предучилишна возраст од 3 до 6 години.
„Децата кои се на предучилишна возраст тука се на целодневен престој. Држиме разни активности со нив . Тука се од 8 до 16 часот. Имаат активности кои се интересни за нив , најмногу преку игра. “-Ирена Талевска – воспитувач предучилишна возраст.
Образовниот центар Atlas world работи во моментов со околу 40тина деца на предучилишна возраст од 3 до 6 год и деца помали од 3 години. Работиме со мали групи од по 15 дечиња со цел да се посвети поголемо внимание на секое дете и да се работи на развивање на нивната вродена надареност, вели Семра Аџи Мустафа – магистар за работа со талентирани деца. Центарот постои 4 години и постојано ја збогатува програмата со нови едукативни содржини. 
„ Интересот за Центарот постојано расте. Во соработка со Сузана Маркос и целиот колектив тука воведува некои нови содржини, нешто ново во градот со цел децата да ги оттргнеме од компјутерите, мобилните телефони, лаптопите . Целта е да ги ангажираме со низа едукативни содржини, низ игра, како што е примерот со куклениот театар. “ – Семра Аџи Мустафа.
Atlas World се наоѓа на ул Даме Груев наспроти старото кино а куклената претстава ќе се одигра во Игротека Вања во комплексот Кам Вилиџ утре, петок, со почеток во 18:30 часот.
