Започнаа предизборните игри и интриги. За почеток во нив се спомнуваат две од официјално објавените имиња на кандидати за градоначалник на претстојните локални избори.
Имено, најновите информации кои кружат во јавноста говорат дека градоначалникот Петрески одлучил да го смени првиот човек на ЈП Комуналец, Боро Павлоски. Како што ТВМ дознава, оваа функција деновиве веќе им била понудена да ја вршат на неколку вработени во ова јавно претпријатие, но ниту еден од нив не прифатил.
Градоначалникот Петрески ниту ја потврди, ниту ја отфрли информацијата како неточна. „ Кога ќе одлучам да го сменам директорот на ЈП Комуналец, тоа ќе го направам писмено. Се додека вакво решение не е испратено до Павлоски, тоа значи дека тој се уште ја врши директорската функција“ , рече градоначалникот Петрески во телефонскиот разговор.
Првиот човек на ЈП Комуналец, Боро Павлоски тврди дека до него не пристигнале информациите за негово евентуално менување од функцијата директор. И за Павлоски, најважни се документите. „ Додека на моето биро не видам решение со кое ме разрешуваат од оваа функција, не сакам да давам било каков коментар на ваквите информации“ , вели тој.
{loadposition content9}
