Skip to main content

Педалинките ги разбрануваа струшките „води“

Струшките советници денеска, на 24 тата седница на совет  гласаа против предлог одлуката за забрана за педалинките на струшкиот брег од езерото.

 |   | 

Струшките советници денеска, на 24 тата седница на совет гласаа против предлог одлуката за забрана за педалинките на струшкиот брег од езерото.

Општината планираше за време на летната сезона да забрани паркирање и издавање на педалинки за пловење по охридското езеро за подрачјето на општина Струга. Но мнозинството од градските избраници отценија дека таквата одлука ќе им го намали приходот на голем број семејства кои значаен дел од средствата за егзистенција ги обезбедуваат преку издавање на овие реквизити за забава на вода.

Градоначалникот Рамиз Мерко, порача дека и без одллука на советот, општината преку инспекциските служби, ќе најде начин да ги забрани педалинките.

Минатата туристичка сезона триесеттина издавачи на педалинки протестираа против тогашната одлука на општината да не им дозволи да работат.