Синоќа пред хотелот Палас, со спреј испишани три автобуси со грчки национални ознаки. Оштетувањето на авобусите во СВР Охрид било пријавено синоќа во 20 часот и 15 минути, од страна на нивниот македонски деловен партнер. Стручните лица при крим-техника од СВР Охрид, по извршен увид на лице место, констатирале оштетување на автобусите, и тоа „впишани недолични зборови со спрејови во разни бои“ и „напукната шофершајбна на еден од автобусите“.
Портпаролот на СВР Охрид за ТВМ потврди, дека грчките туристи по инцидентот си заминале Охрид, а од СВР побарале полициска придружба до излезот од градот, на што им било излезено во пресрет.
Политичките партии и кандидатите за градоначалници на првиот ден од изборната кампања искажаа револт на вчерашниот инцидент. Градоначаликот Александар Петрески кажа дека локалната самоуправа испратила допис со извинување од лично име и од име на граѓаните на Охрид до амбасадата на Р.Грција и до нивниот конзулат во Битола.
„Охрид е отворен град, најкосмополитската средина во Република Македонија. Затоа е запрепастувачка, штетна и за секаква осуда постапката на сеуште неидентификувана група или поединец кои на најдрзок начин се поиграле со имотот и достоинството на грчките туристи. Бараме полицијата најитно да го расчисти случајот и да ја информира јавноста„ – се вели во утринската реакција на Социјалдеократската унија.
И од НСДП, преку кандидатот за градоначалник Ацо Попоски, со реакција „Верувам дека ова е изолиран инцидент на поединци кои не му мислат добро на Охрид во напорите да биде град со долга туристичка сезона. Се надевам дека МВР ќе ги пронајде сторителите и ќе го расветли случајот. Сметам дека на првиот ден од изборниот циклус најмалку ни се потребни вакви инциденти кои ја носат Македонија што подалеку од ЕУ и НАТО интеграциите“
И партијата ВМРО ДПМНЕ со критики за вчерашните инциденти, изнесени на денешната прес конференција,.
Утрово, по објавувањето на информацијата за оштетените автобуси ТВМ Порталот, се огласија и члановите на како што велат „Соединета Македонија“. Во електронската порака што ја испартија до нашата ТВ куќа, со која ја превземаат одговорноста за инцидентот, стои:
„Инцидентите кои беа направени во Охрид, со графирање на грчките автобуси, беа 3 дена порано планирани од страна на групата на „Соединета Македониа“. Групата „Соединета Македонија“ е крајно разочарана од постапките на грчкиот народ и грчката држава поради малтретирањето на македонските туристи кои одат во Грција“. 
{loadposition content9}
