Протести на Комуналец

Поради доцнење на платите денес протестираа дел од вработените во ЈП Комуналец.

Директорот Павлоски вели дека незадоволството на вработените е оправдано. Се прават обиди да се изнајде најсоодветното решение за решавање на проблемот.

Поради доцнење на платите денес протестираа дел од вработените во Комуналец, поточно околу 80 вработени во единицата за механизација на ова јавно претпријатие.
Директорот Боро Павлоски за незадоволството на вработените вели дека е оправдано. Се обидуваме да изнјдеме решение како да го решиме проблемот.

Жиро- сметката е блокирана поради судски извршни решенија. За месец март на претпријатието му е одреден лимит од 2 милиони денари, кои не се доволни за плати на вработените.За оваа намена и тековно работење потребни се 4 пати повеќе средства за платите да може да бидат исплатени, вели Павлоски. Затоа Комуналец ја обжали одлуката на првостепениот суд, а одлуката по жалбата се очекува во текот на денешниот ден, вели првиот човек на ова јавно претпријатие.

Се надевам дека второстепениот суд позитивно ќе се изјасни по нашата жалба по што ќе се нормализираат работите во претпријатието.

 

 

 

{loadposition content9}