„Им благодарам на сите што гласа за мене. Среќен сум што вчерашното гласање во Охрид помина европски“, рече на денешната прес конференција кандидатот од редовите на СДСМ и додаде „Ви ветив дека по изборите првото утринско кафе ќе го пијам со новинарите. Моето прво ветувањето си го исполнувам“.
Петрески изрази надеж дека и неговите политички противници ќе соберат храброст и ќе ги одржат нивните ветувања. Додаде дека синоќа од ВМРО ДПМНЕ потврдиле дека изборите биле фер и демократски.
„Не знам зошто сега молчат и ги нема“ рече Петрески. Тој на прес конференцијата ги образложи и резултатите од нивниот аналитички центар за Претседател на РМ и градоначалник.
Инаку, портпаролот на ОО на СДСМ ги изнесе и првичните резултати на Општинската изборна комисија. Лидија Апостолоска рече дека кандидатот на СДСМ Александар Петрески има 17015, а кандидатот на ВМРО ДПМНЕ, Кирил Трендафилов Нанче 16593 гласови. Разликата била 422 гласови во корист на Петрески. Неважечки биле 863 гласачки ливчиња.
Портпаролот на СДСМ ги презентираше и првичните резултати за Претседател на РМ. Според ОИК, Ѓорѓе Иванов освоил 18786 гласови, а Љубомир Данаилов Фрчковски 13290 гласови. Разликата е 5496 гласови во корист на Иванов. Неважечки ливчиња биле 2055, информира Апостоловска.
{loadposition content9}
