Второ изданиe на фестивалот на францускиот филм во Охрид

Започна второто издание на Фестивалот на Францускиот  филм  во Охрид со проекцијата на филмот „Добредојде“ на режисерот Филип Лиоре.

Пред голем број почитувачи на филмската уметност и гости од Франција фестивалот за отворен го прогласи министерот за култура Елизабета Канческа Милеска. Таа меѓу другото напомена дека овој фестивал е продлабочување на врската помеѓу македонската и француската филмска кинематографија, размена на идеи и искуства, како и запознавање со културите и разноликостите помеѓу двете земји.

Францускиот амбасадор во земјава, Бернар Валеро смета дека со овој фестивал Охрид се става на картата на Балканот и Европа како една централна труристичка и културна дестинација. Амбасадорот Валеро изрази надеж дека Фестивалот на францускиот филм  во Охрид  станува еден од главните настани во културните врски помеѓу Франција и Македонија.
Фестивалот на францускиот филм  во Охрид започна по терк на  гламурот на светските филмски фестивали, па така гостите и годинава пристигаа на црвениот  килим посипан со ливчиња од рози, со звуците на македонската музика.

 

{loadposition content9}