Петнаесетина семејства веќе триесет години тропаат од врата до врата барајки некој да ги ислуша. За овој период освен ветување не добиле ништо друго. 
Во центаралниот дел на Охрид, во близина на Охридскиот пазар, граѓаните за да дојдат до својот дом, поминуваат низ дупки и кал. Петнаесетина семејства веќе триесет години бараат некој да се сети на нив и да им ја асфалтира улицата. „Пристапот до нашите домови посебно е отежнат кога врни. Но покрај овој проблем морам да кажам дека немаме ни улично осветлување, ни приклучок во канализациона мрежа, вели нашиот соговорник Алим Неат.
Неат вели дека последен пат за помош се упатиле во локалната самоуправа и тоа пред три месеци. На надлежните им доставиле петиција во која бараат што поскоро да бидат приклучени во канализациона мрежа, асфалтирање на улицата и улично осветлување на истата.
Кога одговорните лица ќе интервенираат ТВ М се обиде да добие одговор од надлежните но тие денес не беа достапни. Тв М и понатака ќе ја следи состојбата во овој дел од Охрид.
{loadposition content9}
