До службите на Секторот за урбанизам и просторно планирање, градителите и инвеститорите во првите три месеци од годинава поднеле помалку барања за издавање дозволи за градба, информира раководителот на секторот, Бранко Арнаудов.„Во првото тромесечие лани имало 40-тина барања за одобренија на градби, а годинава интресот е за 30% помал“ објаснува Аранудов.
Намалениот интерес за градење не се должи на намалениот атрактивен простор во градот туку на рецесијата, дециден е Арнаудов.
Во Охрид, споредено со останатите градови во земјава, има најголем интерес за градење и е на врвот по издадени дозволи додава тој. Посочува и дека интересот за градење во најголема мера е насочен кон индивидуалните станбени градби. Но, она што загрижува е што при издавањето на дозволи за градби досега нити еден инвеститор не поднесол задолжителен Елаборат за топлотна ефикаснот, донесен со закон во 2009, а со примена од јануари оваа година. Локалните власти сегашното игнонирање за поднесување на овој Елаборат го правдаат и со тоа што досега во Охрид нема овластени лиценцирани фирми кои би ги изработиле овој Елаборат. Тоа е дополнително финасиско и временско оптоварување на инвеститорите објаснува раководителот на сектор за урбанизам, Арнаудов. Покрај овој Елаборат, во Охрид нема кој да ги изработува и Елаборатите за оценка на влијанието за заштита на животната средина, нагласува Арнаудов.
{loadposition content9}
