Пред да одлучите на Facebook да поставите фтографии од одморот, размислете кој сѐ би можел да ги види и дали потенцијален арамија тоа би можел да го искористи бидејќи вашиот дом во тие моменти е привлечен за грабеж.
Арамиите ги користат Facebook, Twitter и слични социјални мрежи, предупредува Wolfgang Balders од одделението за спречување криминал во Келн. Затоа најдобро е на деталите од вашето летување или зимување на социјалните мрежи да ставите што помалку податоци.
“Датуми и географски податоци не ставајте на страниците на интернет”, предупредува Balders и вели дека важно и какви фотографии ставате. “Ако на фотографијата е цела фамилија, арамијата е поприлично сигурен дека вашиот дом е празен”.
Facebook нуди опција да изберете кој ќе ги види фотографиите, но такви опции на Twitter и Instagram нема и затоа со тие социјални мрежи треба да се биде внимателен.
Општо земено, најдобра опција е фотографиите да се постават по враќањето од одмор, но притоа не заборавајте на сето ова да ги предупредите и вашите деца. За нив би требало да важат истите правила.
