Советот на Општина Охрид експресно ги носи деталните урбанистички планови. Само во текот на оваа година изгласани се дури 42. Бранко Арнаудов, началникот на секторот за урбанизам вели дека тоа е за доброто на граѓаните и за развојот на градот. Од охридската Вмро пак тврдат дека урбанистичките решенија кои во последно време се носат се само на штета на градот и оние кои живеат тука. Тие потенцираат дека во блиска иднина ќе се видат негативностите од истите. Само на последната седница на советот се донесоа Нацрт детални урбанистички планови за пет Урбани заедници. Меѓу нив е и Нацрт урбанистичкиот план за Урбана заедница 2, дел од урбан блок 2.3, опфат 1. Тоа е просторот на Булевар Туристичка во непосредн близина на ПЗО „Дарон“,каде е предвидено да се гради нова зграда.
Граѓаните од овој дел на градот кои не сакаа да зборуваат пред камера велат дека со изградбата на новата зграда ќе се направи бетонски ѕид и во целост ќе биде спречено струењето на воздухот. Тие тврдат дека за некоја година Охрид ќе ја загуби климата која беше карактеристична за нашиов град. Тие реагираат и на одлуката за изградба на новата населба која ќе се изгради кај Бејбунар со што ќе се зголеми бројот на жителите во Охрид за една третина, а на тој начин во голема мера ќе се измени неговата структура. Апелираат да се внимава во која насока се движат урбанистичките решенија за градов.
{loadposition content9}
