Состанок во Владата за создавање услови за побрз проток на стоки на граничните премини

Создавање услови за побрз проток на стоките преку граничните премини, како една од мерките за подобрување на бизнис климата, е целта на средбата, најавена за денеска попладне во Владата меѓу вицепремиерот за економски прашања Зоран Ставрески со  ресорни министри и претставници на надлежни институции.

На средбата ќе се разгледуваат состојбите и ќе се предлагаат мерки за скратување на времето и трошоците при минување на стоките преку граничните премини, соопшти владината служба за информирање.

Покрај ресорните министри и други претставници на Владата, на работниот состанок ќе учествуваат директорите на Царинската управа, Граничната полиција, Дирекцијата за радијациска сигурност, Дирекцијата за храна, Санитарната инспекција, Ветеринарната и Фитосанитарната управа и на Бирото за метрологија, како и претставници на Асоцијацијата на независни синдикати на транспортери и на стопанските комори.

 

 

{loadposition content9}