Охрид е подготвен за вториот меѓународен саем за туризам

Од 17 до 20 јануари Охрид ќе биде домаќин на меѓународниот саем за туризам.

Подготовките за неговото отпочнување се во завршна фаза вели Зоран Стрезоски,  директор на агенцијата за промоција и подршка на туризмот. Додава дека има најави за посета на голем број странски туроператори од Холандија,  Германија, Турција и од земјите од опкружувањето. Интересот е огромен и има недостаток од простор за сместување на асоцијациите кои сакаат да се презентираат на саемот кажува Стрезоски.

Во рамките на Саемот за туризам се планира да се одржи Бизнис форум во организација на двата факултети за туризам, охридскиот и скопскиот, како и од министерството за економија, на актуелни теми од туризмот. Ќе се одржи и  натпревар по гастрономија во хотелот Дрим. Учесниците на саемот ќе присуствуваат и на големата  верска манифестација Водици.
Стрезоски вели на плоштадот ќе бидат присутни сите гости на оваа туристичка атракција и тоа ќе помогне за уште поголема афирмација на градот.

Меѓународниот саем за туризам  ќе се одржува  во спортската сала Билјанини извори. Покровител на манифестацијата е премиерот Никола Груески, а  организацијата е  на  Туристичките комори на Македонија, Балканската  хотелска асоцијација и  Агенцијата за промоција и подршка на туризмот.

 

 

{loadposition content9}