Skip to main content

Презентација на Охрид на саем во Швајцарија

Охрид ќе биде претставен на туристичкиот саем во Лугано-Швајцарија, што започнува денеска.

Ohrid
Ohrid
Во рамки на презентирањето на Охрид ќе се одржат и повеќе работни средби со бизнисмени и потенцијални инвеститори во Охрид, како и разговори со градоначалникот на Лугано за продлабочување на соработката меѓу двата града.

Презентацијата на Охрид се одвива под спонзорство на Швајцарија, а ја предводи охридскиот градоначалник Александар Петрески.

OhridСпоред градоначалникот Петрески, се очекува да се конкретизира најавената донација од градот Лугано за Охрид која се однесува на опремување на Територијалната противпожарна единица во Охрид со современа опрема и возила.

Туристичкиот саем во Лугано е традиционална централна туристичка манифестација во Швајцарија на која учествуваат познати туристички дестинации и туроператори. Минатата година Охрид за прв пат беше застапен на оваа манифестација на која ја доби престижната награда „Кралство на светлината и водата“.