Skip to main content

„Mакедонски Блесок 04“

Учесниците во „Mакедонски Блесок 04“ на Денот за високи гости ќе демонстрираат обученост за извршување мисии од НАТО.

Krivolak
Криволак
Во Центарот за обука (ЦО) „Пепелиште“ и  Армискиот полигон (АП) „Криволак“ на Денот за високи гости (ДВД), учесниците на вежбата ,,Македонски Блесок 04“ денеска ќе изведат вежбовни активности, со кои ќе ја демонстрираат нивната обученост и оперативна способност за извршување на мисии предводени од НАТО.
Како што е најавено ќе биде презентирана структурата на вежбата, сценариото и реализацијата на активностите.

На полигонот, средниот пешадиски баталјон, четата на воена полиција и хеликоптерскиот детачмент ќе изведат вежба со која ќе прикажат обезбедување на база, приведување на криминална група, постапка при експлозија на инпровизирана експлозивна направа, пребарување во населено место и уништување на терористички камп.
Сите активности ќе бидат поддржани со безпилотно летало кое ќе се ангажира за прибирање на разузнавачки податоци на теренот, а ќе се презентираат директно на видео бим за гостите.

КриволакНа Денот на високи гости се очекува да присуствуваат министерот за одбрана Зоран Коњановски, началникот на Генералштабот на АРМ генерал-потполковник Мирослав Стојановски, заменикот на НГШ на АРМ генерал-мајор Насер Сејдини, Командантот на Здружената оперативна команда генерал-мајор Зоран Димов, Командантот на првата механизирана пешадиска бригада бригаден генерал Димче Петровски, оценувачкиот тим на НАТО за вежбата, воените аташеа акредитирани во Република Македонија, како и претставници на локалната самоуправа.  

Вежбата „Македонски Блесок 04“ која во изминативе десетина дена се изведуваше на АП „Криволак“ е една од најголемите и најсложените вежби на АРМ, а на неа согласно Концептот за оперативни способности на НАТО, под мониторинг на стручен тим на Алијансата, беше извршено НАТО оценување НИВО 1 на средниот пешадиски баталјон, четата на воена полиција, и хеликоптерскиот детачмент, кои се декларирани единици за распоредување во мисии предводени од НАТО.

 

{loadposition content9}