Поранешниот министер за одбрана, Љубе Бошковски синоќа одржа трибина пред граѓаните на Охрид. Во преполната сала на Центарот за култура, покрај преставници од ВМРО НП видливо беше и присуството на социјалдемократите, а мал беше бројот од ВМРО ДПМНЕ. Бошковски зборуваше за актуелните политички случувања во Македонија, а прозборе и за односот со владејачката ВМРО ДПМНЕ кон која упати и критики. Истакна дека амбициите ги црпи од контактите со народот.
Во изминатиов период ја сондирал состојбата во земјата. Време е да ги изнесеме проблемите со кои се соочува народот и да ги решиме на демократски начин. Екс министерот за одбрана Бошкоски сеуште не решил дали ќе се кандидира за претседател. Доколку политички се активирам не верувам дека ВМРО ДПМНЕ на која и припаѓам како партија нема да застане зад мене, истакна Бошковски.
Тој рече дека сака да биде обединител, а не разединител на партијата. Бошковски истакна дека има своја визија за Република Македонија и доколку одлучи да се врати на политичката сцена ќе работи на нејзино остварување. Трибините кои ги практикува се граѓански и сака да им се оддолжи на сите кои му даваа поодршка додека беше во Хаг. Најави продолжување на средбите со граѓаните.
{loadposition content9}
