Skip to main content

Општина Струга

Стружани ќе можат да пријавуваат локални проблеми преку апликацијата Prijavi24

Мобилната апликација, како што појансуваат од општината, може да се преземе бесплатно од GooglePlayStore и AppStore.
 |  инфодеск  | 
Струга Црн Дрим

Стружани од денеска локалните проблеми ќе може да ги пријават преку апликацијата Prijavi24, соопшти Општина Струга.

Мобилната апликација може да се преземе бесплатно од GooglePlayStore и AppStore или со скенирање на приложениот баркод, објаснуваат од општината.

– Преку апликацијата, може да пријавите проблеми поврзани со градот и околните населени места од сите категории, како што се улично осветлување, дупки на патот, објекти склони на рушење, проблеми од областа на животната средина, уништена урбана опрема, отпад и диви депонии, градби и дивоградби, велат од општината.

Апликацијата има опција и за прикачување слики од дадениот проблем, а пријавувањето може да биде анонимно или јавно.

Според Општина Струга, граѓаните може да дадат и предлози со кои би се подобрил целокупниот начин на живеење во општината.