Oд утре до 17 април во Охрид на Универзитетот за информатички науки и технологии „Св. Апостол Павле“, Охрид, ќе се одржи Стартап викенд поддржан од Startup Macedonia.
Станува збор за глобален настан, хакатон кој има за цел да ги мотивира младите професионалци, фриленсери и стартап ентузијасти, на едно место да формираат тим за развивање на бизнис идеа од концепт до прототитп за само 54 часа.
Секој учесник се регистрира индивидуално со сопствена бизнис идеја или со желба за да се биде дел од дессете топ тима кои ќе ја развијат идејата во следните 54 часа.
Настанот започнува утре попладне и ќе трае до недела 17 Април во вечерните часови. Тогаш сите тимови ќе ги презетираат сопствените бизнис концепти пред жири комисија составена од врвни професионалци. УИНТ е основан од Собранието на Република Македонија со Акт за основање на Универзитетот за информатички технологии [1] во 2008 година. Во 2010 година, студентите од УИНТ го создадоа првиот суперкомпјутер во Република Македонија.
Меѓународниот карактер на универзитетот се забележува со фактот што УИНТ има мултикултурна популација на студенти. Повеќе од 450 домашни и странски студенти студираат на УИНТ. УИНТ има добиено акредитација за 15 додипломски и постдипломски програми. Секоја од нив се спроведува на англиски јазик. Согласно академското рангирање на универзитетите во светот за 2013/2014 година, УИНТ е рангиран помеѓу првите 4 од 20 универзитети во Република Македонија.
УИНТ содржи пет факултети.
Целиот стартап викенд во Охрид ќе биде модериран од сертифициран стартап модератор. Тој заедно со организациониот тим и менторите ќе имаат за цел да ги мотивираат учесничките тимови да постигнат максимален ефект на настанот.
„Универзитетот за информатички науки и технологии „Свети Апостол Павле“ – Охрид е модерна, иновативна институција. Обезбедува извонредност во наставата, учењето и истражувањето. УИНТ е меѓународна институција која се гордее со својата културна различност. Ние се стремиме да воспоставиме меѓународен карактер на универзитетот како водечка образовна и истражувачка институција во регионот“ – велат од УИНТ.
За време на овој стартап викенд во Охрид се обезбедени сите услови потребни натпреварувачите да се фокусираат од идејата до развојот на истата. Регистрацијата завршува денес, а сите заинтересирани може да се пријават на следниот линк: https://event.techstars.com/event/aiK2Vnwvc
