Во последните 24 часа регистрирани се 133 нови случаи на ковид-19 од направени 1.833 тестови, соопшти Министерството за здравство. Од вкупниот број на позитивни (133), регистрирани се 20 реинфекции.
Од новозаразените најголем дел се од Скопје – 78, потоа следуваат Битола – 16, Велес – 14, Тетово – 6, Прилеп и Охрид – по 3, Кавадарци, Струмица и Берово – по 2, Куманово, Гостивар, Кичево, Неготино, Радовиш, Делчево и Валандово – по 1. Регистрирани сe 156 оздравени пациенти.
Согласно Регистарот на починати лица со дијагноза ковид-19 од Мој Термин, пријавено е едно починато лице од Струга (73г), починато во болнички услови, пријавено на 08.04.2022 година.
Вкупната бројка на ковид-дијагностицирани лица во земјата од почетокот на епидемијата изнесува 308.752, бројот на оздравени пациенти е 298.688, на починати е 9.263, а бројот на активни случаи изнесува 801.
