За два сантиметри е намален водостојот на Охридското Езеро. Нивоата на другите две природни езера во земјава се исти како вчера.
Согласно резултатите од последните мерења направени од УХМР, водостојот на Охридското Езеро е за седум сантиметри понизок од просекот за мај.
Пониско од просечното и тоа за 1,79 метри е и нивото на Преспанското Езеро, додека на Дојранското Езеро е за 2,71 метри повисоко од повеќегодишниот просек за овој период од годината.
Пониски од просечните се и водостоите на повеќето реки во земјава и речиси сите бележат намалување на нивото во споредба со вчера. Исклучок е реката Црн Дрим, на мерното место кај Ложани, каде водостојот е за еден сантиметар повисок од вчерашниот. Исто со вчерашното е нивото на реките Бабуна на мерното место кај Богомила, Брегалница кај Берово и Струмица кај Сушево.
