Продолжуваат земјотресите во Пацификот

Jапонските власти денеска алармираа на опасност од цунами, откако изутрината се случи силен земјотрес во Тихиот океан, јавија агенциите.

Земјотресот со јачина од 6,8 степени според Рихтеровата скала е регистриран на стотина километри источно од брегот на Тајван, со епицентар на околу 10 километри под Пацификот.

Нивото на морето се очекува да нарасне и до 50 сантиметри околу јужните јапонски острови, предупредија метеоролозите.

Земјотресот бил почувствуван во Јапонија и во Тајван, но засега нема информации за евентуални жртви или материјална штета.

{loadposition content9}