По поднесената жалба од адвокатот на Ламбе Алабаковски, Судскиот совет од Основен суд Битола ја преиначил одлуката за осумдневен притвор во мерка куќен притвор, објави Телма.
Алабаковски, кој е осомничен дека го подметнал пожарот во клубот „Ванчо Михајлов“ денеска го напуштил одделението во затворот во Битола и бил спроведен во неговиот дом.
Пејачот е осомничен дека го предизвикал пожарот во бугарскиот културен клуб во саботата, кога изгоре влезната врата на објектот.
Инцидентот предизвика силни реакции во јавноста, а вчера во Битола се одржа протест под мотото „Слобода за Ламбе“.
