На 17.07.2022 година од 23 до 03 часот, спроведувајќи мерки од кампањата „Безбедно лето 2022″, полициски службеници од СВР Охрид извршија контроли во угостителски објекти во централното градско подрачје во Охрид.
Притоа, во повеќе угостителски објекти, после 24 часот, затекнати се малолетни лица кои консумираат алкохол. Поради постоење основи на сомнение за сторено кривично дело по член 204 од Кривичниот законик, против правните субјекти ќе бидат поднесени пријави – информира портпаролот на СВР Охрид, Стефан Димоски.
