На 8-ми септември 1991 година се остварија стремежите за независност на Република Македонија. Тие беа заокружени со референдумот на кој 95 насто од граѓаните се определија за самостојна и суверена Република Македонија, потсети претседателот на македонскотот собрание Трајко Вељаноски во своето обраќање по повод 8-ми септември, Денот на независноста.
Во обраќањето претседателот на парламентот, Вељаноски, истакна дека Македонија очекува Европската комисија во есенскиот извештај да препорача датум за преговори и резултатите да ги вреднува според европските стандарди и принципи. „Сакам да веруваме дека и нашиот јужен сосед, тргнувајќи од својата демократска традиција, ќе ги почитува европските стандарди и критериуми и нема да се повтори Букурешт, бидејќи нашето приближување и членството во ЕУ е во интерес како на Македонија, така и за целиот регион“, истакна Вељаноски. Осми септември 1991 година заедно со двата Илиндена, како што истакна спикерот, претставуваат три датуми во историјата на македонскиот народ и на граѓаните на Република Македонија кои се тесно поврзани со вековните стремежи, борби и сонувања за самостојна држава.
На приемот по повод Денот на независноста во македонското Собрание присуствуваа македонскиот претседател, Ѓорге Иванов, премиерот Никола Груевски, министри, пратеници, претставници на дипломатскиот кор и на црквите и верските заедници во земјата.
По повод одбележувањерто на 8-ми септември, Денот на независноста претседателот на Македонија Ѓорге Иванов денеска ќе одржи пригодно обраќање на Свечената академија и ќе одржи прием за поранешните претседатели на Република Македонија Киро Глигоров и Бранко Црвенковски и за сопругата на трагично загинатиот претседател Борис Трајковски, Вилма Трајковска.
{loadposition content9}
