ДПА од Струга алармира

Струшкиот огранок на ДПА реагира во врска со гетоизацијата на албанското образование во Струга. Планот за „спасување на Струга“ се претвори во план за спас на Струга од албанската младина обвини денеска председателот на ДПА Зијадин Села.

Проблемите во средношколскиот систем во Струга повторно тема на прес конференцијата на огранокот на ДПА. Градоначалникот на Струга Рамиз Мерко за се има еден одговор, обвинуваат од ДПА. Претседателот на политичкиот огранок на оваа партија Зијадин Села, изјави дека ќе оди до крај во расветлување на мрачниот проект Влада-Градоначалник. Од таму велат нема да му дозволат на градоначалникот Мерко да одлучува за она што во моментов излегува на површина, да ја спаси Струга од албанската младина.
Нема да играме како што ќе свири градоначалникот Мерко категоричен е Села. Тој додава, дека нема да дозволат се да остане само на дискусија, туку ќе превземат конкретни мерки за да застанат на патот на самоволието на Мерко.
Граѓаните на Струга мора да се свесни дека состојбата во средношколскиот систем во Струга е темпирана бомба вели Села. Тој додава дека ДПА како политички субјект должен е да алармира за состојбата.
Останува нејасно како државата експресно обезбеди средства за изградба на ново училиште во Велешта, а во Татеши има училиште кое нема ни вода за пиење. Зошто таму не се насочат средствата, туку се оди на веќе однапред утврдено сценарио прашуваат од ДПА Струга.

{loadposition content9}