Поради подготвителни работи во врска со сценографијата за годинешното издание на „Струшките вечери на поезијата“ има времени измени во сообраќајниот режим во градот.
Утре, 24-ти август во 12 часот планирано е да се затвори улицата за патни возила на кеј „Борис Кидрич“ во Струга поради изведба на работи поврзани со свеченото отварање, за манифестацијата Меридијани пред главниот влез на Центарот за култура „Браќа Миладиновци“.
На 27-ми август (сабота) во 12 часот планирано е да се затвори улицата „Партизанска“ во Струга поради изведба на работи поврзани со поставување на сценографијата за свеченото затворање на фестивалот.
За овие планирани затворања на две улици изготвен е сообраќаен елаборат, за кој е добиена согласност од Општина Струга и одобрение од СВР Охрид, информираат од СВП.
