Градоначалникот Кирил Пецаков денеска во големата сала на Општина Охрид ги прими акцијашите од Србија, Босна и Херцеговина и Словенија кои се во неколкудневна работна посета на Охрид. Тие работат на расчистување на просторот од отпад и градежен шут во близина на хотел „Далјан“
Пецаков им се заблагодари за нивниот ангажман и благородната општествена дејност со која се занимаваат и укажа на неопходноста до крајот на годината да се утврдат потребите на охридските акцијаши со цел да бидат предвидени средства од општинскиот буџет за наредната календарска година – информираат од кабинетот на градоначалникот.
Акцијашите кои доаѓаат од бившите југословенски простори беа воодушевени од убавините на Охрид и приемот на градоначалникот и најверојатно работна акција кај нас ќе реализираат и наредната година.
