Почесниот конзулат на Р. Србија со седиште во Охрид, по повод празникот обезбеди вредна донација за ОУ „Свети Климент Охридски“.
По повод големиот празник, заштитник на градот Охрид, обезбедивме донација од 70 000 ден за потребите на Основното Училиште Св. Климент Охридски. Со огромна почит и задоволство сакам да ве поздравам мои драги сограѓани и да го честитам Патронатот празникот на градот Охрид Св.Климент Охридски со еден цитат од светителот, кој го пронашол и запишал Архепископот Теофилакт Охридски во 11 век:
„Браќа, да се отрезниме и да не се именуваме христијани само по име, туку да се потрудиме со добри дела и со кроткост и пост да стекнеме смирение и љубов кон сите, зашто тие ги очистуваат душата и телото и нѐ прават рамни на ангелите, и нѐ водат на небото. И милостина давајте непрестајно, зашто таа ги мие сите прегрешенија од нас, и ги отвора небесните врати. Св.Клмент Охридски“ – вели почесниот конзул Михајло Филев.
Значењето на големиот Свети Климент Чудотворец за Охрид и охриѓани е големо, да ги следиме неговите стапки, повика Филев.
Охрид, Македонија и целиот православен свет денес го чествува Св.Климент Охридски кој бил ученик на Солунските браќа Свeти Кирил и Методиј Словенски Епископ, Агроном, Лекар. Едноставно во тоа темно време тој зрачел светлина и надеж меѓу словенските народи со својата благородност и дела. Во ова прилика Почесниот конзулат на Р.Србија во Македонија со седиште во Охрид и братскиот Српски народ упатуваат искрени честитки со најубави желби по повод празникот Св. Климент Охридски Патрон на град Охрид, до сите граѓани на Охрид и Македонија и сите Православни христијани во светот – вели Филев.
