За време на викендот нашето подрачје ќе биде под влијание на влажен бран што ќе предизвика времето да биде облачно со врнежи од дожд.
Врнежите ќе бидат пообилни од утре попладне до недела и на места ќе бидат поројни (над 30 л/м 2 ). Ќе дува умерен до засилен јужен ветер, информираат од УХМР.
Од понеделник ќе има заладување што ќе услови врнежите да преминуваат во снег, а во попладневните и вечерните часови се очекуваат слаби врнежи од снег и на некои пониски места, особено во северните делови.
