Стартува овогодинешната хумана акција „Пакетчиња за сите дечиња” – сезона 3.
Во периодов до Нова Година, ќе собираме донации за пакетчиња за најголемата хуманитарно-забавна акција која досега подари над 8500 пакетчиња ширум државата. Па така, драги пријатели, активисти, хуманисти, ве покануваме и вие да се приклучите со ваша донација, волонтерство или во најмала рака ширење на оваа позитивна вест – информираат организаторите на оваа хумано-забавна акција, Никола и Вик.
Акцијата како и секоја година најпрво се фокусира на деца од ранливи категории, деца со попреченост и деца од руралниот заборавен дел од Македонија.
А поради големиот интерес и донирани пакетчиња, секоја година организираме и музички настан, ден два пред Нова Година, каде што за оваа година ви спремаме ГОЛЕМО ИЗНЕНАДУВАЊЕ! Сите средства кои до сега се донирани на нашата организација се за набавка на ПАКЕТЧИЊА. До сега посетивме и подаривме на илјадници дечиња ширум Македонија. Од Народ за Народ! – велат организаторите.
