Оваа година се очекува стабилизација на туристичкото стопанство, прогнозираат од АППТ. Новите авио линии ќе донесат повеќе туристи во земјава.
Со авио линијата Охрид-Белград, која стартува од месец јуни се очекува да се удвои бројот на ноќевања на српските туристи, кој во текот на изминатата година беше зголемен за 40 проценти, но и да ја зајакне економската соработка помеѓу двете држави.
Останатите линии не само сезонски туку и редовни ќе ја прошират понудата во текот на целата година.
Фокусот повторно ќе биде на регионалните пазари кои треба да ги стабилизираме очекуваме помеѓу 10 до 15 % дополнително секундарните пазари помеѓу 30 и 40 % раст. Односно 2023-та година заеднички со засукани ракави верувам дека ќе успееме да ја надминеме бројката од 3,2 милиони ноќевања и сериозно да се приближиме до пола милијарда трговски да кажеме или туристички импакт во македонската економија од туристичкиот сектор и да кажеме дека можеме повеќе – вели Љупчо Јаневски, директор на АППТ.
Оваа година според директорот на агенцијата за поддршка и промоција на туризмот Јаневски се очекуваат и туристи од егзотичните земји, кружни тури, но и голем број на европски гости.
Очекуваме 2023 година да имаме поголем број групи од поразлични дестинации, групи од егзотични дестинации односно за нив Балканот е егзотично место, како и минатата година што можевме да препознаеме португалски, шпански, мексикански, бразилски и тоа токму во Охрид кои што ќе бидат на еден до два дена. Се надеваме се повеќе и повеќе кружни патувања од дестинации кои што досега не не посетувале – додава Јаневски.
Една од целите на македонскиот туристички сектор за 2023 година е бројот на ноќевања од стратешки важните туристички пазари да биде поголем дури и во однос на претпандемиската 2019 година, која се смета за рекордна година во туризмот.
Новинар : Соња Рилковска
