Во градскиот пазар провалени два објекти, менувачница и парфимерија. Направената штета е над илјада и петстотини евра
Провалени две простории во градскиот пазар. Синоќа засега непознати сторители насилно влегле во менувачницата и парфимеријата, лоцирани на самиот влез од пазарот. Никој ниту слушнал ниту видел во кое време од ноќта се случила кражбата.
„Мене ме информираа утринава дека насилно е провален објектот. Кога дојдов, полициски екипи правеа увид. Сите документи во менувачницата беа на подот, направена е шета од петстотини евра“-кажува сопственикот на менувачницата, Рузим Октиши.
Сеуште не знаеме дефинитивно што е украдено од менувачницата, дополнително треба да утврдуваат полициските екипи. За среќа сефот кој е со шифра не беше оштетен ниту пак беа одземени пари од него, кажува Октиши.
Поголема штета беше направена во другиот провален објект. Од парфиемеријата е украдена највредната бижутерија и оригинални козметички производи.
„Покрај бижутеријата, одземени се и парите кои тука ги чувавме“-вели Беаре Дудуш, сопственик на парфимерија.
Во градскиот пазар ова е втора кражба во период од еден месец. Пазарџиите и сопствениците се едогласни дека безбедноста на градскиот пазар е доведена во прашање.
„Пазарот воопшто не е безбеден, сите ние плаќаме за да се обезбедува просторот но тоа го прави само едно лице и факт е дека воопшто немоќе да го обезбедува целиот простор“-вели Октиши.
„Треба поголема безбедност. За повторно да не се случи истото мора поголема повеќе внимание да се посвети на сигурноста на пазарот“-истакна Дудуш.
Утринава на лице место увид направија екипи од ОВР Струга. Дополнително ќе се истражува кои се сторителите на ова кривично дело.
{loadposition content9}
