Според статистиката, кај нас, две третини од економски неактивното население се жени. 39% е стапката на вработеност на жените. Само 30% од бизнисите се во сопственост на жени.
За родова еднаквост потребна е економска независност и зајакнување на жените преку намалување на стапката на невработеност, поддршка на женското претприемништво и поголемо учество на жените во креирањето на политиките на локално и национално ниво. Економската независност на жените е многу важна и во борбата против родовото насилство.
