Здружение за поттикнување на развојот на книжевноста и други уметности „Креативна верига” ве поканува да присуствувате на културниот настан, доделување на Наградата за наjдобра необјавена песна за деца „Тоде”, што се доделува во чест на охридскиот поет, есеист, книжевен критичар, енигматичар и шаховски проблематист, Тоде Илиевски.
Настанот ќе се одржи на 7 март 2023 година, во просториите на Библиотеката „Григор Прличев” – Охрид, со почеток во 13:00 часот.
Овој настан е организиран со поддршка од Општина Охрид.
Наградата ја воведовме годинава, со надеж да стане традиционална. Ќе ни претставува чест да бидете гости на настанот, со што достојно ќе му оддадеме почит на Тоде Илиевски, кој остави трајни вредности во општественото живеење, а посебно во книжевноста за деца во Охрид, Македонија и во меѓународни рамки – велат од Креативна верига.
