Во рамките на ЈП „Охридски Комуналец“ дејност извршува Одделението „Депонии“ кое ја одржува и оперира депонијата Буково. На депонијата Буково се депонира комунален отпад од домаќинствата и од правни субјекти кој се подигнува од територијата на општина Охрид.
Расчистувањето на комуналниот отпад на депонија Буково, негово растурање и набивање односно одржување на депонијата Буково ја врши ЈП „Охридски Комуналец“ со градежна машина – Булдожер, специјално набавен за таа потреба. Во изминатиот период услугата – одржување на депонија ја извршуваа други фирми, а услугата беше согласно јавна набавка – велат од ЈП „Охридски Комуналец“.
Со набавката на градежната машина – Булдожер јавното претпријатие самостојно се грижи за одржување на депонијата, а покрај тоа, што е од посебна важност од финансиска гледна точка, се заштедуваат финансиски средства кои во изминатиот период беа насочувани кон други правни лица кои ја извршуваа таа услуга.
