Активности за одржување на јавната чистота

Голем број активности на екипите на ЈП „Охридски Комуналец“ задолжени за одржување на јавна чистота.

Се чистеше на крајбрежниот појас потег х. Метропол-с. Пештани од расфрлан ситен комунален отпад. Извршено е чистење на суводолицата и околниот простор во с. Пештани се’ до нејзиното влевање во езерото. Беше исчистен околниот простор од река Сушица на потег пресек со ул. „Живко Чинго“. Исто така, извршено е и темелно чистење на поплочениот дел и граничниците на патеката потег канал Студенчишта до Парк – информираат од ЈП „Охридски Комуналец“.

Од Јавното претпријатие додаваат дека се реализирани и вонредни активности за чистење на крајбрежниот појас од градско пристаниште до Холандски Парк.