Која е тајната на квалитетниот и здрав домашен леб? Денес на Факултетот за туризам и угостителство во Охрид, студентите од различни години и студиски насоки имаа можност да се запознаат со тајните на изработка на неколку видови леб. Професионалниот изработувач на различни видови тесто, Весна Миленкоска ја одржа работилницата за изработка на леб од кисело тесто, интегрален безглутенски, протеински леб за спортисти и нутритивно збогатен леб.
„Тајната е да нема никакви додатоци. Секој додаток, прави плус проблем. Дали е квасецот дали се адитивите, прават проблем и се штетни за здравјето на човекот. „Последниве 2.5 години го работам лебот со природен квас, стартер, спреман само со брашно и вода, и за изработка на лебовите користам само брашно вода и сол. Нема никакви доадотци, никаква хемија, ништо“ – објасни Весна Миленкоска – професионален изработувач на различни видови тесто.
Потребни се вода, сол, и квасец, за изработка на вкусен миризлив леб. Но сеуште е мал бројот на ресторани кај нас кои како дел од гастрономската понуда го имаат домашно подготвениот леб. Професионален и домаќински гест е кога гостинот ќе влезе во ресторанот пред да ја направи нарачката да се нагости со парче домашен леб и малку маслиново масло – обајаснува Проф.Д-р Ангела Паскуале – ФТУ Охрид. Мора да работиме на збогатување на нашите гастрономски знаења и да ја прошириме нашата гастрономска култура. А тоа можеме да го направиме и ако малку се вратиме кон нашето изворно традицонално гастрономски богатство.
„Сега повторно ние се враќаме, тоа ќе биде всушност и следниот тренд, враќање кон локалната кујна. Цените да не бидат превисоки, како кај Мишелин рестораните, пристапни цени и начин на презентација. Сервис, убави чинии, убаво наместена храна, убав пристап, едукација за да се презентира таа храна, да се продаде менито“ вели – Проф.Д-р Ангела Паскуале – ФТУ Охрид.
Во изминатите неколку години сè почесто слушаме дека белиот леб е нешто што треба да се избегнува или да се лимитира. Здравствените препораки велат дека истиот треба да се замени со други опции како: леб од полнозрнести житарки, леб кој е мешавина од повеќе интегрални брашна, леб во чиј состав нема брашно туку ‘ртени семиња и сл.Факт е дека индустриското прозводство и технологијата на храна преку користењето на адитиви несомнено го намали квалитетот и на овој основен прехрамбен прозивод.
Проф.д-р.Климент Наумов – ФТУ Охрид„Во домашни услови секој може да замеси леб. Секој може да дојде до брашно, со одреден квалитет и да ги користи тие состојки кои ни се на располагање на сите. Она што се конзумира поради таа динамика во нашиот живот, немањето време и парични средства за да вие можете секој ден да си дозволите да имате домашен леб, прави луѓето да се одлучат да купат леб од маркетите, леб кој е безбеден за конзумација, но не за секого“ – посочи Проф.д-р.Климент Наумов – ФТУ Охрид.
Лебот има незаменлива и централна улога во човечката исхрана веќе илјадници години. Освен што е најпрепознатлив тип на храна, тој е едноставен за подготовка, а во зависност од подготовката може да има и прилично долг рок на траење. Од друга страна тој може да биде и навистина хранлив, односно нутритивен, а обезбедува и голем дел од енергијата калориите кои ни се потребни. Со малку трпение и неколку намирници лебот е храна кој буквално секој може да го направи.
