Денеска во 10 часот во просториите на НУ Библиотека „Григор Прличев“ започна Регионалниот натпревар „Млади библиотекари“ на кој учество зедоа 14 ученици од Основните училишта во Охрид и општина Дебрца.
Тестот за натпреварувачите ќе се состои од 20 прашања на кои писмено ќе одговараат за време од еден час. Натпреварувачите ќе се потпишуваат со шифра, а Комисија од Библиотеката по прегледувањето на прашалниците на посебен настан ќе го прогласи победникот – информираат од НУ Библиотека „Григор Прличев“ Охрид.
Победникот од натпреварот ќе се стекне со право на учество на 22-от Републички натпревар „Млади библиотекари“ кој во организација на Библиотекарското здружение на Македонија годинава ќе се одржи во библиотеката „Искра“ во Кочани на 12 мај.
