7-то издание на фестивалот „Велигденски фестивалски денови во Охрид“ ќе се одржи во петок 21.04 2023 година на платото пред НУ Центар за култура Охрид. Организатор на фестивалот е Здружението Мултикултурната интернационална организација за фолклорни фестивали-МИОФФ од Охрид.
Фестивалот со име „Велигденски фестивалски денови во Охрид“ традиционално секоја година се одржува првиот викенд после големиот христијански празник Велигден. Од Здружението ги покануваат сите љубители на убавата игра и песна да уживаат пред платото на Центарот за култура од 17.30 часот каде ќе настапат 6 фолклорни ансамбли од Грција, Србија и Бугарија со повеќе од 200 учесници.
