На 5-ти мај на сцената на НУ Центар за култура „Григор Прличев“ гостува познатата актерка Весна Петрушевска со стендап-претставата „Влези, не се соблакај“.
Претставата е исповед за животот на Петрушевска, во која во час и половина низ солзи и смеа се раскажуваат нејзините подеми и падови, како и најзначајните моменти од нејзиниот живот, детството, младоста, мажачката и инцидентот со автомобилот што ѝ падна во Вардар.
Актерката низ хумор раскажува како го запознала и се венчала со својот поранешен сопруг, но и за врската со помладото момче, со кого откако раскинала, ослабнала 20 килограми. Раскажува и за тешките моменти на својот живот и за тоа како никогаш не верувала дека ќе падне во клиничка депресија.
Карти на билетара по цена од 250 денари секој работен ден, почеток 20.00 часот.
