Проректорката на УИНТ „Св. Апостол Павле“ , проф. д-р Устијана Речкоска Шикоска и директорот на НУ Библиотека „Григор Прличев“, м-р Милчо Јованоски денеска потпишаа Меморандум за соработка.
Со потпишување на меморандум за соработка помеѓу Универзитетот за информатички науки и технологии „Св. Апостол Павле“ и НУ Библиотека „Григор Прличев“, двете институции ја продолжуваат својата плодна соработка. Проректорката проф. д-р Устијана Речкоска Шикоска и директорот м-р Милчо Јованоски ги истакнаа можностите за взаемна соработка и идни проекти, организација на настани, како и примена на информатичките технологии во библиотекарството.
