Регионална конференција за евроинтеграцијата

Регионалната конференција за Западен Балкан на која треба да учествуваат министри одговорни за евроинтеграции од земјите од регионот, ќе се одржи денеска во Скопје.

На оваа втора регионална конференција за европска интеграција на земјите од Процесот на стабилизација и асоцијација, ќе учествуваат делегации од Македонија, Албанија, Босна и Херцеговина, Црна Гора, Србија и Хрватска, како и претставници од Регионалниот совет за соработка.

Воведно обраќање на конференцијата претпладнево ќе има македонскиот вицепремиер задолжен за европски прашања.

Еднодневната регионална конференција треба да заврши со усвојување Заедничка декларација.

{loadposition content9}