Во Битола, пред платото на Детско ликовно студио „Св. Кирил и Методиј“, вечерва свечено ќе биде отворена 41-та Меѓународна ликовна изложба и ќе биде доделена наградата Гран при што им припадна на младите ликовни творци од Хонг Конг, Кина. Годинава Малиот битолски монмартр одбележува 55 години од основањето на Детското ликовно студио.
На годинешната ликовна колонија учествуваат над 100 млади ликовни уметници и педагози од Кина, Индија, Романија, Полска, Словачка, Турција, Бугарија, Србија, кои заедно со своите врсници и колеги од Северна Македонија освен во Битола ќе престојуваат и сликаат и во Охрид и во манастирот Свети Јован Бигорски.
Нивните дела ќе бидат изложени на две посебни ликовни изложби кои ќе бидат поставени во конзулатите на Република Грција и Република Бугарија во Битола.
